Khua lăn čar mñă klă dŭm klei đru mguôp yuôm bhăn mơ̆ng êpul lĭng kahan yang buôn, kmeh gơ̆ng jing lĭng kahan Việt Nam jhŏng ktang, hlăm anăn mâo Sư đoàn 341. Hbuê ênuk hing ang mơ̆ng Sư đoàn nao mbĭt hŏng klei krŭ kdơ̆ng sua wĭt klei êngiê kơ djuê ana, răng mgang knông lăn Yŭ Dhŭng ala čar, ngă bruă klam nao đru ala čar Campuchia.

Bi lar knhuah gru 50 thŭn anôk bruă hjŏng ktang, hlăm wưng kơ anăp, Khua lăn čar Nguyễn Xuân Phúc mtă kơ gưl bruă Đảng nah gŭ, khua kiă kriê leh anăn kluôm Sư đoàn 341 lŏ dơ̆ng mjuăt klei thâo, knhuah hdĭp, mâo bruă đru mguôp, kñăm mkŏ mjing bruă Đảng Sư đoàn klă mngač, kjăp ktang, mkŏ mjing anôk bruă kluôm ênŭm, uêñ mĭn mkŏ mjing klei thơ̆ng kơ bruă, kriê dlăng klei bhiăn. Sư đoàn čiăng mâo hdră gĭt gai djŏ, mkŏ mjing tŭ jing grăp bruă klam dưi jao leh.