Ƀri bi hdơr 40 thŭn hrue phung nai Việt Nam, tlam mbrue 15/11, ti anôk bruă khua lăn čar, Khua lăn čar Nguyễn Xuân Phúc bi tuôm, hơêč hmưi kơ êpul mâo 30 čô phung bi ala kơ phung nai mtô mduôn khua, phung bi ala kơ Êpul hgŭm nai mtô êlâo dih Việt Nam. Bi ala kơ Đảng, knŭk kna mâo klei bi tuôm hŏng phung nai mtô leh wĭt mdei dôk hlăm Êpul hgŭm nai mtô êlâo dih Việt Nam, Khua lăn čar bi êdah klei lač, jăk hdơr knga kơ phung nai mtô mâo đru mguôp leh lu thŭn mlan, mâo klei tŭ jing hlăm bruă mjuăt bi hriăm hlăm kluôm ala, duh myơr jih klei hdĭp kơ bruă mjut mjing anak mnuih, kơ sa klei hdĭp guh mngač kơ djuê ana.

Hlăm grăp klei săn asei mlei kyua klei duh myơr, hŏng grăp mta bruă ngă hŏng klei mbruă mâo tŭ yap hlăm klei mjuăt bi hriăm, mâo lŏ bi lar hlăm bruă mjuăt bi hriăm, dơ̆ng mơ̆ng nah dlông hlŏng kơ nah gŭ, Khua lăn čar Nguyễn Xuân Phúc lač, klei năng pưng myưng jing sa hlăm lu thŭn êgao, lăn čar drei mâo leh sa êpul phung nai mtô ngă bruă mjuăt bi hriăm hŏng jih ai tiê, lehanăn mbruă./.