Khua lăn čar drông êpul đru ba sang hră gưl prŏng hŏng tar rŏng lăn mơ̆ng Alemang
Thứ tư, 00:00, 16/11/2022
VOV Tây Nguyên
VOV Tây Nguyên
VOV4.Êđê -Tlam mmăt hrue 14/11, Khua lăn čar Nguyễn Xuân Phúc drông leh Kambiz Ghawami, Khua êpul đru ba sang hră gưl prŏng hŏng tar rŏng lăn mơ̆ng Alemang.
Khua lăn čar Nguyễn Xuân Phúc bi myuôm bruă klam mơ̆ng Kambiz Ghawami mâo leh bruă klam prŏng yuôm bhăn hgŭm hŏng Việt Nam lehanăn ALemang kơ klei mjuăt bi hriăm hlăm lu thŭn leh êgao ti Việt Nam, boh nik jing sang hră gưl prŏng Việt-Đức.
Lač jăk kơ Khua lăn čar mâo leh mmông drông čhưn, Kambiz Ghawami brei thâo, čang hmăng nanao čiăng dưi mâo klei hgŭm kjăp dua ala čar hlăm bruă mjuăt bi hriăm. Mơ̆ng klei hriê čhưn anei, ñu ngă leh bruă hŏng dŭm anôk bruă mjuăt bi hriăm ti Việt Nam. Mơ̆ng Êpul bruă anei, mâo Bang Hessen ala čar Alemang mđup brei prăk đru hriăm hră mơar kơ phung hriăm gưl prŏng Việt Nam./.
Viết bình luận