Khua gĭt gai Đảng Nguyễn Phú Trọng bi myuôm boh tŭ dưn mâo bi trông hŏng plah wah Khua bruă kƀĭn ala nah dlông Prăng lehanăn Khua bruă kƀĭn ala Vương Đình Huệ, kơ dŭm bruă yuôm bhăn mâo leh bruă kƀĭn ala Việt Nam bi êdah hlăm klei hdĭp mơ̆ng lăn čar lehanăn klei Việt Nam bi mguôp hŏng tač êngao, lehanăn mñă bruă klam yuôm bhăn anôk bruă mkŏ mjing hdră bhiăn dua ala čar hlăm klei bi mguôp dua nah, čang hmăng kơ dua nah lŏ hgŭm prŏng hĭn, lehanăn djă pioh jih jang boh tŭ dưn leh mâo, mâo klei bi mjĕ jêñ jêñ klei bi tuôm gưl dlông dŭm Đảng, knŭk kna, bruă kƀĭn ala lehanăn phung ƀuôn sang, lehanăn mâo klei bi đru ti dŭm anôk bi kƀĭn lu tĭng.

Khua gĭt gai Đảng Nguyễn Phú Trọng čang hmăng kơ dua nah lŏ hyuă kjăp hĭn klei bi mguôp hlăm gưl mrâo, ba wĭt klei tŭ dưn klă mngač hlăm klei bi mguôp ênuk gưl mrâo, ba wĭt klei tŭ dưn kơ phung ƀuôn sang, lehanăn đru mguôp kơ klei êđăp ênang, hgŭm bruă mđĭ kyar ti alŭ wăl, lehanăn dlông rŏng lăn./.