Blŭ hrăm ti anôk drông anăn, Khua lăn čar lač: Đảng, knŭk kna lehanăn phung ƀuôn sang Việt Nam mpŭ lehanăn sa ai, bi mguôp, hŏng êpul ngă bruă êngiê dlông rŏng lăn, hlăm anăn mâo Êpŭl gơ̆ng bruă êđăp ênang dlông rŏng lăn, lehanăn dŭm êpul hgŭm mkăn sa ai leh hŏng Việt Nam hlăm klei sua mă klei êngiê kơdjuê ana êlâo dih, lehanăn hlăm bruă rŭ mdơ̆ng răng mgang lăn čar ară anei.

Lŏ mñă kơ dŭm mta kñăm čiăng dưi jing ala čar đĭ kyar, mâo klei tuh tia ênuk mrâo, mđĭ ênoh phung ƀuôn sang dưi ba wĭt lu ti thŭn 2045, Khua lăn čar lač, čiăng dưi bi sĭt klei anăn knŭk kna lehanăn jih jang phung ƀuôn sang Việt Nam mâo klei gĭr hĭn, hrăm mbĭt ñŭ kma hŏng tač êngao, dưn yua jih ai ktang pô, răng kriê klei hdĭp êđăp ênang, hơĭt kjăp pioh mđĭ kyar čiăng kơ lăn čar mdrŏng sah, phung ƀuôn sang yâo mơak./.