Khua lăn čar Nguyễn Xuân Phúc, Khua Êpul bruă anei kiă kriê klei bi kƀĭn. Blŭ ti anôk bi kƀĭn, Khua lăn čar mtă kơ jih jang phung khua hlăm Êpul kiă kriê ksiêm wĭt boh tŭ dưn mâo ngă leh bruă čuăn tui si hdră: Lŏ dơ̆ng bi mguôp kjăp kơ klei bhiăn ngă bruă bi ƀhĭ ênŭm kơ klei hâo mdah bruă ksiêm wĭt 10 thŭn hlue ngă hdră mtrŭn gưl dlông 8, gưl 11.

Khua lăn čar mñă, hdră mtrŭn anei tă leh hdră êlan, hŏng klei mĭn mrâo, mjing boh kdrŭt prŏng kơ klei Đảng kiă kriê hlăm bruă răng mgang klei êđăp ênang lăn čar hlăm 10 thŭn êgao. Mơ̆ng anăn, mâo hdră mkŏ mjing klei čih mkra hdră mtrŭn bi mlih kơ hdră mtrŭn gưl dlông 8, gưl 11, kñăm lŏ dơ̆ng čuê jih jang bruă, dưn yua dŭm klei leh mâo ngă hŏng klei jăk, mă klei hriăm mơ̆ng 30 thŭn mlih mrâo, thiăm mbŏ dŭm mta bruă bi djŏ hŏng klei jing ară anei./.