Hlăm mmông tŭ drông, Khua lăn čar Lương Cường vi myuôm dŭm klei đru mguôp mơ̆ng pô bi ala hlăm wưng ngă bruă ti Việt Nam, đru ksul mbŭ leh anăn mđĭ hĭn klei bi hgŭm knhuah gru plah wah dua lăn čar. Khua lăn čar Lương Cường tŭ ư dua lăn čar čiăng lŏ dơ̆ng bi sa ai hlăm dŭm klei kƀĭn lu tĭng, hrăm mbĭt đru mguôp kơ klei êđăp ênang, hơĭt kjăp ti dua alŭ wăl leh anăn tar rŏng lăn.

Khua lăn čar Lương Cường hơêč hmưi kơ pô bi ala srăng lŏ mâo mă lu boh tŭ dưn hĭn hlăm bruă klam mrâo, wăt hlăm djăp bruă păn srăng mâo dŭm klei đru mguôp klă klơ̆ng hlăm bruă bi kjăp klei mjĕ giăm knhuah gru Việt Nam -Algeria.