Jao klei dưi anei, lehanăn blŭ hrăm ti knăm mkŏ mjing, bi ala kơ Đảng, Knŭk kna, khua lăn čar Lương Cường hơêč hmưi kơ Lê Quang Minh, hơêč hmưi kơ êpul lĭng kahan yang ƀuôn Việt Nam lehanăn knơ̆ng kiă kriê bruă kđi čar hlăm lĭng kahan yang ƀuôn Việt Nam. Mñă, anei jing klei mơak, klei pưng myưng mơ̆ng knuă druh lĭng kahan, lehanăn jing klei mơak kơ pô mâo kă grat lehanăn găp djuê gơ̆ mbĭt hŏng ƀuôn sang Lê Quang Minh.

Blŭ hrăm ti knăm kă grat anei, Thượng tướng Lê Quang Minh lač, srăng hlue ngă kjăp klei gĭt gai mơ̆ng khua lăn čar, sĭt suôr hŏng   Đảng, hŏng lăn čar lehanăn mnuih ƀuôn sang; jih ai tiê tui hriăm lehanăn hlue ngă asăp Khua gĭt gai Hồ Chí Minh leh jing sa čô khua kahan prŏng ti grat  tướng: Thâo mĭn - jhŏng ktang - mâo klei thâo khăp - sĭt suôr - klă mngač lehanăn hur har. Lehanăn lŏ dơ̆ng ktưn hĭn, mjuăt hriăm, păn kjăp knhuah dôk dơ̆ng ƀơ̆ng huă klă mngač mơ̆ng cách mạng, srăng bi leh jih jang bruă Đảng, knŭk kna, lĭng kahan lehanăn mnuih ƀuôn sang kčah jao./.