Khua klăn čar bi mni leh kơ dŭm boh tŭ yuôm bhăn mơ̆ng dŭm ênuk phung khua kiă kriê, knuă druh anôk bruă hŏng tač êngao dưi mâo. Mơ̆ng leh wưng Klei bi kƀĭn tal XIII truh kơ ară anei, hdră hŏng tač êngao dưi mâo leh dŭm boh tŭ yuôm, đru mguôp hlăm boh tŭ dưn mbĭt mơ̆ng kluôm ala.

Hlăm anăn, yuôm bhăn hĭn jing hdră hŏng tač êngao mđĭ lar leh kjăp bruă klam ba akŏ hlăm bruă mkŏ mkra lehanăn krơ̆ng kjăp wăl anôk êđăp ênang, hơĭt kjăp čiăng đĭ kyar. Kơ hdră êlan hŏng tač êngao wưng ti anăp, Khua lăn čar Lương Cường mñă leh klei bhiăn, dôk kjăp hlăm djăp boh klei mâo, bi mguôp ai ktang djuê ana lehanăn ai ktang ênuk ară anei, bi kjăp mta kñăm, hdră êlan, hdră mtrŭn, rơ̆ng kjăp boh tŭ dưn kơ ala čar – kơ djuê ana. Hdră hŏng tač êngao brei hluê ngă bruă klam tal êlâo jing đru rơ̆ng kjăp wăl anôk êđăp ênang, hơĭt kjăp, ba yua jih klei găl mâo mơ̆ng nah êngao čiăng mđĭ kyar ala čar./.