Khua lăn čar Nguyễn Xuân Phúc lač klă, hlăm hdră sa thŭn mkrah mkŏ mjing Hdră bruă, Anôk bruă gĭt gai leh anăn Êpul čih mkra mkŏ mjing Hdră bruă gĭr ktưn leh anăn bi leh hnơ̆ng bruă prŏng snăk.

Êdah kdlưn jing iêô mkrum dŭm anôk bruă gưl dlông mkŏ mjing 27 bruă ksiêm dlăng, mkŏ mjing tlâo klei bi trông ala čar, 15 klei bi kƀĭn, bi trông êlam leh anăn 3 klei kƀĭn mă klei blŭ mguôp mơ̆ng dŭm anôk dlăng bruă Đảng ƀuôn prŏng, čar, iêo mkrum klei hgŭm mơ̆ng phung thơ̆ng kơ bruă, phung kreh knhâo, knuă druh ngă bruă klă sĭt, dŭm anôk ksiêm hriăm, sang hră gưl prŏng hlăm ala čar, Hdră mtrŭbn kơ klei bi leh knŭk kna yang ƀuôn ngă phŭn hlăm wưng mrâo jing mnơ̆ng dhơ̆ng kreh knhâo êpul lu leh anăn klei duh myơr jih ai tiê mơ̆ng phung thơ̆ng kơ bruă hlăm Êpul čih mkra. Khua knŭk kna mtă brei mđĭ ktang klei hâo hưn, mâo hdră kčah ngă bruă leh bruă ksiêm dlăng Hdră mtrŭn dưi hlue ngă hlăm klei bi kƀĭn kluôm ala ksiêm hriăm, ktuê dlăng dŭm hdră mtrŭn Klei bi kƀĭn tal 6 gưl XIII./.