Ti anôk bi blŭ hrăm anăn, dua nah bi tŭ ư leh lŏ mđĭ hĭn klei bi mtuôm, bi trông gưl dlông, hyuă hĭn bruă klam klei bi đru hlăm bruă mkŏ mkra hdră bhiăn, mâo klei bi mguôp dua nah lu hĭn hlăm klei bi ksiêm bruă leh bi tŭ ư hgŭm mbĭt dua ala čar, bi đru hlăm bruă mkŏ mjing lehanăn bi leh klei bhiăn, mjing klei jăk găl hĭn hlăm klei bi mguôp dua ala čar.

Yăl dliê kơ klei dlông rŏng lăn lehanăn hlăm alŭ wăl, Khua lăn čar čang hmăng kơ bruă kƀĭn ala Thailand lŏ dơ̆ng sa ai tiê mbĭt hŏng ASEAN kơ bruă răng mgang klei êđăo ênang hơĭt kjăp hlăm alŭ wăl, lehanăn hlăm êa ksĭ Ngŏ djŏ tui si klei bhiăn tar rŏng lăn./.