Hlăm klei bi tuôm, dua khua gĭt gai hrăm mbĭt bi trông dŭm hdră bi hgŭm hlue si jar bi hgŭm hdră bruă kluôm hlăm wưng kơ anăp hlăm djăp mta bruă, gĭr bi êlam hĭn klei bi hgŭm Việt Nam- Dhŭng Korea, bi knar hŏng hnơ̆ng mrâo, kyua klei tŭ dưn mnuih ƀuôn sang dua ala čar, đru hlăm klei bi hgŭm leh anăn mđĭ kyar mơ̆ng krĭng wăl.

Khua lăn čar Nguyễn Xuân Phúc mñă klă hŏng bruă dua tĭng mđĭ klei bi hgŭm dua ala čar jing ala čar hgŭm kluôm, dŭm bruă bi hgŭm dua nah srăng ƀrư̆ êlam hĭn, klă sĭt leh anăn lu jơr hlăm wưng kơ anăp./.