Blŭ hlăm mmông bi tuôm, Khua lăn čar hmăng hmưi bruă gang mkhư̆ klei ƀơ̆ng ngă mâo boh tŭ dưn klă klơ̆ng, srăng mtrŭt mđĭ klei mgang êlâo kơ mkhư̆. Hluê si Khua lăn čar, bruă gang mkhư̆ klei ƀơ̆ng ngă hlăm wưng êgao mâo Đảng, knŭk kna leh anăn dŭm gưl bruă, dhar bruă, alŭ wăl uêñ mĭn, ngă jăk nanao, mâo dŭm boh tŭ dưn jăk.

Khua lăn čar Nguyễn Xuân Phúc lač, ƀuôn prŏng Hồ Chí Minh jing anôk mnia mblei prŏng, mnuih ƀuôn sang lu, kyuanăn ăt mâo lu mnuih ƀun ƀin, ka mâo klei hơĭt hlăm klei hdĭp. Kyuanăn, Khua lăn čar mtă kơ bruă sang čư êa ƀuôn prŏng lŏ uêñ mĭn hĭn, mâo lu hdră êlan hĭn hŏng mnuih ƀun ƀin. Čiăng bi lar duĭm klei bi hmô hlăm bruă kriê dlăng mnuih ƀun ƀin, phung mâo klei đăo čiăng amâo mâo lui sa čô êrô kơ tluôn.