Pô čih klei yăl dliê mda asei mbruă Nguyễn Bình bi êdah klei hơ̆k mơai kyua mâo Khua lăn čar Nguyễn Xuân Phúc mđĭ ai, bi êdah klei uêñ mĭn mơ̆ng Đảng, knŭk kna leh anăn mơ̆ng Khua lăn čar Nguyễn Xuân Phúc hŏng phung mda asei. Nguyễn Bình kčưm čih klei yăl dliê mơ̆ng hlăk ñu 8 thŭn, mâo klei kreh kriăng čŏng tui hriăm leh anăn truh kơ ară anei thâo raih lu klei blŭ, hlăm anăn mâo klei blŭ phŭn tar rŏng lăn kñăm mblang dŭm klei yăl dliê djŏ hĭn hŏng klei čih phŭn mơ̆ng lu phung čih klei yăl dliê mơ̆ng dŭm êtuh thŭn êlâo.

Pô mda asei Nguyễn Bình dôk hluê ngă dŭm hdră čih klei yăl dliê, hlăm anăn hmăng hmưi čih klei dliê đưm kơ Việt Nam čiăng dưi ba mdah rup, ala čar, anak mnuih Việt Nam, hlăm anăn mâo phung hlăm hƀuê ênŭk ala čar Việt Nam, čiăng kơ tar rŏng lăn dưi thâo. Hlăm mmông bi tuôm, Khua lăn čar Nguyễn Xuân Phúc hmăng hmưi pô mda asei Nguyễn Bình lŏ dơ̆ng tui hriăm, ksiêm duah, mâo lu klei čih jăk leh anăn mâo boh tŭ dưn, đru mguôp kơ bruă čih klei yăl dliê ala čar ăt msĕ hŏng bruă lŏ dơ̆ng hưn mdah rup. Dhar kreh, anak mnuih Việt Nam truh kơ tar rŏng lăn.