Klei bi kƀĭn mâo klei hgŭm mơ̆ng êbeh 850 khua gĭt gai dŭm anôk bruă duh mkra mrô sa dlông rŏng lăn leh anăn krĭng wăl, leh anăn bi ala mơ̆ng dŭm êpul bruă lu ala čar.

Blŭ hrăm hlăm klei bi kƀĭn, Khua lăn čar Nguyễn Xuân Phúc lač kơ dŭm klei lông dlăng hŏng bruă mnia blei leh anăn duh bi liê mơ̆ng dlông rŏng lăn, msĕ si klei đĭ kyar bruă mnia blei kluôm rŏng lăn thŭn anei knŏng mâo 3,5% leh anăn hrŏ ktang adôk 1% hlăm thŭn kơ anăp; dŭm klei rŭng răng bruă kđi čar, ênoh êa pui đĭ leh anăn mnơ̆ng ƀơ̆ng huă đĭ, ngă gun kpăk klei mkăp, mnơ̆ng dhơ̆ng đĭ ênoh. Khua lăn čar Nguyễn Xuân Phúc ăt lač kơ klei găl leh anăn klei mâo tơdah bi hgŭm hŏng Việt Nam, hlăm anăn bi siñê leh anăn hlue ngă giăm 60 klei kuôl kă mtrŭt mjhar, răng mgang duh bi liê leh anăn hlue ngă 15 klei kuôl kă bruă mnia blei êngiê (FTA), hlăm anăn mâo lu FTA gưl mrâo.