Khua lăn čar Nguyễn Xuân Phúc blŭ hrăm hlăm klei kƀĭn bi mguôp bruă duh mkra Asi – Pacific
Thứ bảy, 08:46, 19/11/2022
VOV Tây Nguyên
VOV Tây Nguyên
VOV4.Êđê - Aguah mbruê 18/11, ti ƀuôn prŏng phŭn Bangkok, ala čar Thailand, klei kƀĭn trông tal 29 phung khua gĭt gai bruă duh mkra hlăm klei kƀĭn kƀĭn bi mguôp bruă duh mkra Asi – Pacific (APEC) klă klơ̆ng pŏk leh.
Blŭ hrăm hlăm klei kƀĭn trông, Khua lăn čar Nguyễn Xuân Phúc lač, tar rŏng lăn dôk ktuê dlăng lu klei mlih, mâo knhuah hƀuê ênuk hŏng lu mta amâo mâo hơĭt leh anăn dleh dưi ksiêm dlăng.
Klei kƀĭn APEC ăt dôk tuôm hŏng dŭm klei lông dlăng ka tuôm mâo, kyuanăn, dŭm mta phung ƀĭng hgŭm bi tŭ ư hlăm klei mĭn leh anăn bruă ngă hruê anei mâo boh tŭ dưn yuôm bhăn hŏng APEC leh anăn ênuk êdei anăp. Khua lăn čar mñă klă sa Asi – Pacific êđăp ênang, hơĭt kjăp, bi mguôp, mdrŏng sah leh anăn đĭ kyar jing mta kñăm, bruă klam mbĭt, čiăng mâo klei hrăm mbĭt, sa ai mơ̆ng jih jang dŭm anôk bruă duh mkra APEC.
Viết bình luận