Ti anôk drông, Khua lăn čar lač, Việt Nam lŏ dơ̆ng đru Lao tlaih mơ̆ng klei dleh dlan, ƀrư̆ ƀrư̆ bi hơĭt, lŏ kơrŭ wĭt bruă duh mkra ala ƀuôn. Mñă, thŭn 2022 jing yuôm bhăn hŏng lu klei kruak knăl hƀuê ênuk dua ala čar, Khua bruă mkŏ mjing gưl dlông Lao lač, dua nah năng bi hgŭm kjăp hĭn djăp mta bruă hŏng klei sĭt suôr, mâo klei yuôm bhăn, đru hyuă kjăp klei hgŭm mâo leh mơ̆ng đưm hŏng klei klă mngač plah wah dua Đảng, dua ala čar lehanăn phung ƀuôn sang dua ala čar.

Ñu lŏ mñă srăng hrăm mbĭt hŏng dŭm gưl phung khua kiă kriê, lehanăn phung hđeh gưl mrâo mơ̆ng Lao lŏ dơ̆ng păn kjăp ksul mbŭ klei bi mguôp jăk siam dua Đảng, dua ala čar./.