Khua lăn čar Nguyễn Xuân Phúc lač, Việt Nam dlăng yuôm klei bi mguôp mâo leh mơ̆ng đưm lehanăn hgŭm hlăm djăp mta hŏng Azerbaijan. Khua bi ala knŭk kna Azerbaijan lač, srăng ngă jih ai tiê pô hyuă kjăp klei bi mguôp dua ala čar, mâo klei đĭ kyar hĭn, lehanăn lŏ hâo hưn kơ klei bi mguôp jăk siam mâo leh plah wah dua ala čar kơ hđeh gưl mrâo.

Drông khua bi ala Brunei, aduôn Datin Paduka Malai Hajah Halimah Malai Haji Yussoft, Khua lăn čar ăt čang hmăng hlăm wưng kơ anăp, khua bi ala srăng mđĭ hĭn klei bi tuôm êpul, boh nik gưl dlông, mđĭ hĭn klei bi mguôp hlăm bruă sang hră mơar, bruă hiu čhưn ênguê, klei bi mguôp phung ƀuôn sang, pral mkŏ mjing hdră ngă bruă hlăm klei hgŭm kluôm ênŭm wưng thŭn 2023 – 2027./.