Kkuh drông Kim Sang-Hwan, Khua sang phat kđi gưl dlông Dhŭng Korea lehanăn Êpul mă bruă hriê čhưn ti Việt Nam djŏ hŏng wưng dua ala čar bi hdơr 30 thŭn hruê mkŏ mjing Klei bi mjĕ, Khua lăn čar mñă leh klei jăk siam hlăm gưl nao čhưn ti Dhŭng Korea wưng êgao, lač jăk kơ klei tŭ drông mơ̆ng Khua mil čhil Yoon Suk Yeol lehanăn phung khua Dhŭng Korea.

Khua lăn čar đăo knang hŏng Klei bi mjĕ ƀĭng hgŭm phŭn mơ̆ng dua ala čar, Sang phat kđi gưl dlông dua ala čar srăng bi hgŭm kjăp hĭn, ba wĭt klei tŭ dưn. Kim Sang-Hwan lač jăk kơ Khua lăn čar, Sang phat kđi yang ƀuôn gưl dlông Việt Nam hlăm hdră kkuh drông jăk jĭn. Ñu m’ak leh dua ala čar mđĭ klei bi mjĕ jing “Ƀĭng hgŭm phŭn kluôm dhuôm”, Khua phŭn bruă lač, anei jing klei găl, boh kdrŭt, čiăng dua Sang phat kđi gưl dlông bi hgŭm kjăp hĭn hlăm wưng ti anăp./.