Khua lăn čar Nguyễn Xuân Phúc kkuh drông Khua thượng viện ngă khua Êpul gưl dlông Thượng viện Campuchia hriê čhưn klă sĭt ti Việt Nam, bi mklă Samdech jing ƀĭng găp sĭt suôr mơ̆ng Việt Nam.

Bi mni lač jăk kơ Khua lăn čar Nguyễn Xuân Phúc pioh leh hruê mmông drông, Khua thượng viện Campuchia Samdech bi mklă gưl nao čhưn tal anei đru mđĭ hĭn klei bi hgŭm djuê ana jăk siam plah wah dua ala čar.

Hưn mthâo kơ klei tŭ bi trông jăk siam hŏng Khua bruă kƀĭn ala Việt Nam Vương Đình Huệ, Khua thượng viện Campuchia brei thâo dua tĭng ba mdah dŭm hdră êlan bi hgŭm plah wah anôk bruă čih mkra hdră bhiăn plah wah dua ala čar hlăm wưng kơ anăp; mơ̆ng anăn đru hyuă kjăp leh anăn bi êlam hĭn klei bi hgŭm plah wah dua anôk bruă čih mkra hdră bhiăn. Khua thượng viện Campuchia ăt bi êdah klei bi mni kơ Việt Nam đru leh Campuchia hlăm bruă jing Khua gĭt gai ASEAN 2022.