Lač jăk kơ khua lăn čar mâo drông leh êpul phung kreh knhâo ASEAN, hơêč hmưi kơ Việt Nam mkŏ mjing tŭ jing klei bi kƀĭn 45 mơ̆ng êpul hgŭm duh mkra FAEA thŭn anei, jing leh mmông găl kơ phung kreh knhâo bi trông, tui duah hdră êlan mghaih msir djăp mta klei dleh dlan mơ̆ng klei ruă tưp, lehanăn mjing klei găl mrâo.

Phung bi ala bi mni kơ klei đĭ kyar pral mơ̆ng Việt Nam lehanăn bi trông kơ hdră êlan mđĭ kyar bruă duh mkra. Blŭ hrăm ti anôk drông, Khua lăn čar bơ̆k bâo lu kơ klei lông dlăng hŏng bruă duh mkra tar rŏng lăn, čang hmăng kơ phung duh mkra ASEAN thâo bi ksul mbŭ, bi leh djăp mta kñăm, ngă bruă hŏng klei tŭ jing, čiăng dưi mâo klei găl mđĭ kyar mbĭt hŏng tar rŏng lăn, snăn êlâo hĭn jing bi kjăp hlăm ASEAN./.