Hlăm mmông tŭ drông pô bi ala El Salvador, Khua lăn čar mñă klă, Việt Nam dlăng yuôm bhăn leh anăn hmăng hmưi mtrŭt mđĭ klei bi mjĕ giăm hŏng dŭm ala čar alŭ wăl Mi Latino, hlăm anăn mâo ala čar El Salvador. Việt Nam hdơr nanao klei bi mguôp, klei sa ai mơ̆ng mnuih ƀuôn sang Mi Latino, hlăm anăn mâo mnuih ƀuôn sang El Salvador, hlăm klei bi blah sua wĭt klei êngiê kơ djuê ana êlâo dih leh anăn mkŏ mjing ala čar ară anei.

Hơêč hmưi kơ pô bi ala Sandeep Arya dưi tiŏ nao jing pô bi ala India ti Việt Nam, Khua lăn čar Nguyễn Xuân Phúc mnă klă hdră êlan mơ̆ng Việt Nam jing dlăng yuôm bhăn klei mjĕ giăm leh anăn klei bi mguôp kluôm ênŭm hŏng India, sa ala čar dôk đĭ kyar ktang, mâo bruă klam leh anăn kơ hưm hlăm alŭ wăl wăt kơ dlông rŏng lăn. Hơêč hmưi kơ aduôn Oh Youngju dưi tiŏ nao jing pô bi ala mniê tal êlâo mơ̆ng Dhŭng Korea ti Việt Nam, Khua lăn čar Nguyễn Xuân Phúc đăo kang hŏng klei thâo mơ̆ng pô bi ala mniê, klei mjĕ giăm 2 ala čar ƀrư̆ hruê ƀrư̆ đĭ kyar hĭn, mâo boh tŭ dưn hĭn.