Hlăm mmông mă bruă, Khua lăn čar Nguyễn Xuân Phúc mtă kơ Êpul hgŭm mkra mđĭ bruă ngă mơ̆ng gưl dlông truh kơ anôk bruă nah gŭ, mđĭ lar ai ktang mơ̆ng Êpul hgŭm; kčĕ klei bhiăn hdră êlan, kdrăp mnơ̆ng, mâo wăt klei bhiăn ala ƀuôn pioh kơ bruă ngă mơ̆ng Êpul hgŭm tŭ dưn hĭn, knuă druh Êpul hgŭm hơĭt ai tiê mă bruă.

Bi mni kơ Êpul hgŭm gru bi kal hrah hlue ngă Hdră bruă Têt klei khăp gưl Tết Nguyên đán Quý Mão, Khua lăn čar Nguyễn Xuân Phúc mtă hlăm wưng anei truh kơ Tết Nguyên đán amâo lu ôh, Êpul hgŭm mâo hdră kčah pŏk ngă klă klơ̆ng, rơ̆ng mâo klei hgŭm mơ̆ng dŭm gưl phŭn, dhar bruă leh anăn alŭ wăl, iêô jak phŭn đru ba ala ƀuôn, kriê dlăng Têt kơ mnuih ƀun, phung mâo klei hdĭp dleh dlan.