Khua lăn čar Nguyễn Xuân Phúc yap yuôm bhăn gưl bruă Đảng nah gŭ, bruă sang čư êa leh anăn bruă kđi čar ƀuôn hgŭm Điện Biên mâo lu klei mbruă leh anăn boh tŭ dưn hlăm bruă gĭt gai, ktrâo lač hluê ngă tŭ jing grăp bruă klam kđi čar, mđĭ kyar bruă duh mkra, ala ƀuôn ti alŭ wăl.

Khua lăn čar hmăng hmưi, hlăm wưng kơ anăp, dŭm gưl bruă Đảng nah gŭ, bruă sang čư êa, bruă mặt trận, êpul êya leh anăn dŭm gưl mnuih ƀuôn sang ƀuôn hgŭm Điện Biên lŏ dơ̆ng ngă jăk hĭn bruă hâo hưn leh anăn mtrŭt mjhar mnuih ƀuôn sang dŭm gưl hluê ngă djŏ hdră êlan, hdră mtrŭn mơ̆ng Đảng, klei bhiăn ala čar leh anăn dŭm mta mtrŭn hlăm alŭ wăl, nao hgŭm mkŏ mkra klei hdĭp dhar kreh, thâo bi khăp, thâo pap, bi lar knhuah hdĭp anak mnuih Hà Nội.