Khua lăn čar Nguyễn Xuân Phúc nao ti Knăm jao klei pah mni Hồ Chí Minh, klei pah mni Knŭk kna kơ bruă kreh knhâo – kdrăp mrâo
Thứ sáu, 10:53, 25/11/2022
VOV Tây Nguyên
VOV Tây Nguyên
VOV4.Êđê - Ti Sang kdŏ mmuñ prŏng Hà Nội, Phŭn bruă Kreh knhâo – kdrăp mrâo mkŏ mjing leh Knăm jao klei pah mni Hồ Chí Minh, Klei pah mni Knŭk kna kơ bruă Kreh knhâo – kdrăp mrâo tal 6 kơ 12 hdră bruă, wăl hdră bruă mâo mđup brei Klei pah mni Hồ Chí Minh lehanăn 17 hdră bruă, wăl hdră bruă mâo Klei pah mni gưl Knŭk kna.
Blŭ ti knăm anei, Khua lăn čar Nguyễn Xuân Phúc bi mni klei gĭr, boh tŭ mơ̆ng phung mă bruă kreh knhâo dưi mâo lehanăn h’êč hmưi kơ 281 čô mâo mă leh klei pah mni.
Lač kơ mta kñăm truh ti thŭn 2030, Việt Nam jing ala čar mâo hdră tuh tia mkra mjing mrâo, dôk hlăm êpul 15 ala čar ba čhĭ mnơ̆ng lu êdi kơ tar rŏng lăn, Khua lăn čar lač, klei pah mni Hồ Chí Minh, Klei pah mni knŭk kna kơ bruă kreh knhâo – kdrăp mrâo jing hdră bruă dôk hlăm klei gĭr mtrŭt mđĭ kyar hdră bruă mlih mrâo mơ̆ng ala čar, mđĭ kyar bruă tuh tia mkra mjing mrâo mrang mơ̆ng ala čar./.
Viết bình luận