Khua lăn čar Nguyễn Xuân Phúc tŭ drông khua kiă kriê ƀang South Australia
Thứ năm, 09:41, 10/11/2022
VOV TAYNGUYEN
VOV TAYNGUYEN
VOV4.Êđê- Ti sang bruă Khua lăn čar, Khua lăn čar Nguyễn Xuân Phúc tŭ drông leh khua kiă kriê ƀang South Australia (Dhŭng Australia), aduôn Frances Adamson dôk mâo klei hriê čuă leh anăn mă bruă ti Việt Nam.
Hlăm mmông tŭ drông, Khua lăn čar Nguyễn Xuân Phúc mñă klă, Việt Nam dlăng yuôm bhăn klei bi mguôp hdră êlan hŏng Australia, sa ƀĭng hgŭm yuôm bhăn mơ̆ng Việt Nam ti krĭng Dhŭng Pacific leh anăn ăt jing ƀĭng hgŭm kluôm ênŭm hŏng ASEAN.
Khua lăn čar yap yuôm bhăn bruă dŭm ƀang mơ̆ng Australia mtrŭt mđĭ klei mjĕ giăm hŏng Việt Nam, dŭm alŭ wăl 2 ala čar hur har tui duah klei găl mđĭ hĭn klei bi mguôp, hlăm anăn ƀang South Australia pŏk phai klei bi mguôp hŏng lu alŭ wăl mkăn ti Việt Nam, mbĭt anăn hnưm ksiêm dlăng bruă pŏk adu bruă bi ala klei mnia mblei – duh bi liê ti Việt Nam.
Viết bình luận