Aguah mbruê 3/11, Khua lăn čar Nguyễn Xuân Phúc tŭ drông leh pô bi ala dŭm ala čar Arap hluh hlir (UAE) Obaid Saeed Al Dhaheri hriê bi tuôm wưng leh jih wưng păn bruă ti Việt Nam. Khua lăn čar Nguyễn Xuân Phúc hơêč hmưi kơ pô bi ala dưi mjưh ruê̆ jăk siam wưng păn bruă ti Việt Nam, mbĭt anăn yap yuôm bhăn dŭm klei đru mguôp mơ̆ng pô bi ala hlăm bruă mđĭ hĭn klei bi hgŭm, bi mguôp lu mta bruă plah wah Việt Nam leh anăn dŭm ala čar Araap hluh hlir.

Việt Nam yap yuôm bhăn bruă klam mơ̆ng UAE hlăm alŭ wăl leh anăn dŭm klei kƀĭn lu tĭng. Čiăng mtrŭt mđĭ klei bi mguôp plah wah 2 ala čar, Khua lăn čar mnă kơ 2 tĭng hluê ngă dŭm hdră êlan mđĭ hĭn klei mjĕ êrô, bi trông êpul dŭm gưl, boh nik jing êpul gưl dlông, bi mguôp kjăp hlăm bruă kđi čar, bruă duh mkra leh anăn dhar kreh mđing truh bi hdơr 30 thŭn hruê mkŏ mjing klei mjĕ giăm plah wah 2 ala čar ti thŭn 2023, bi mguôp leh anăn bi sa ai hdơ̆ng pô hlăm dŭm klei bi kƀĭn, êpul êya tar rŏng lăn leh anăn alŭ wăl.