Khua lăn čar Võ Văn Thưởng jao klei bi klă ruah mdưm Khua phat mkra sang phat kđi gưl dlông
Thứ bảy, 10:10, 15/07/2023
VOV Tây Nguyên
VOV Tây Nguyên
VOV4.Êđê- Tlam mbruê 14/7, ti Hà Nội, Khua lăn čar Võ Văn Thưởng jao klei bi klă ruah mdưm Khua phat mkra sang phat kđi gưl dlông kơ Nguyễn Hồng Nam, Khua phat mkra gưl dlông, k’iăng khua sang phat mkra yang ƀuôn gưl dlông ti Hà Nội.
Hơêč hmưi kơ Nguyễn Hồng Nam mâo Đảng, knŭk kna đăo knang jao bruă klam anei, Khua lăn čar lač, anei jing klei ktưn hưn leh anăn jing bruă klam ktrŏ.
Khua lăn čar đăo knang, Nguyễn Hồng Nam srăng lŏ dơ̆ng bi lar knhuah gru hing ang mơ̆ng bruă phat mkra, gĭr ktưn bi leh jăk bruă klam dưi jao, năng hŏng klei đăo knang mơ̆ng Đảng, knŭk kna, mnuih ƀuôn sang leh anăn phung knuă druh, mnuih mă bruă phat mkra. Pô phat mkra Nguyễn Hồng Nam bi êdah klei hơ̆k mơak leh anăn mgei ai tiê êjai Khua lăn čar jao klei bi klă anei, mbĭt anăn srăng lŏ dơ̆ng mđing hmư̆ hluê ngă klei gĭt gai mơ̆ng Khua lăn čar, ƀuăn srăng bi leh jăk grăp bruă kam dưi jao.
Viết bình luận