Blŭ hrăm hlăm mmông mă bruă, Khua lăn čar Võ Văn Thưởng mñă klă, wăl kahan mrô 2 jing alŭ wăl prŏng, jing anôk kñăm kyuanăn bruă klam mơ̆ng êpul lĭng kahan wăl kahan mrô 2 jing yuôm bhăn, ktrŏ, boh nik hlăm boh sĭt tar rŏng lăn, hlăm alŭ wăl dleh ksiêm dlăng, hlăm ala čar ăt dôk mâo lu klei arưp aram hgăm, dleh ksiêm dlăng.

Tŭ ư hŏng bruă klam kñăm mơ̆ng wăl kahan bi klă hlăm 6 mlan knhal jih thŭn, Khua lăn čar Võ Văn Thưởng mtă hlăm wưng kơ anăp, dŭm anôk bruă, êpul êya hlăm wăl kahan mrô 2 lŏ dơ̆ng thâo klă, hlăk mblang, bi klă leh anăn đăo knăl djŏ boh sĭt, boh nik hlăm dŭm mta bruă djŏ tuôm hŏng bruă lĭng kahan, klei êđăp ênang ti alŭ wăl, čŏng pô, hmao hưn mdah hŏng Đảng, knŭk kna, knơ̆ng gĭt gai lĭng kahan gưl dlông leh anăn Phŭn bruă lĭng kahan mâo hdră êlan djŏ guôp, amâo brei mâo klei kjăt kƀla hlăm djăp boh klei, răng mgang kjăp knông lăn ala čar, klei dưi kiă kriê, sa ai leh anăn kluôm dhuôn lăn čar.