Aguah hruê 24/11, ti Anôk bruă Khua lăn čar, Khua lăn čar Nguyễn Xuân Phúc gĭt gai leh klei drông leh anăn bi blŭ hrăm hŏng Khua mil čhil ala čar Uganda, Yoweri Kaguta Museveni.  Hlăm klei bi trông, dua khua gĭt gai bi mklă klei gĭr mđĭ ktang klei bi hgŭm bruă duh mkra, mđĭ prăk bruă mnia blei bi năng hŏng klei bi hgŭm kđi čar leh anăn hnơ̆ng prŏng mơ̆ng bruă duh mkra dua ala čar.

Dua khua gĭt gai mñă klă hnơ̆ng yuôm bhăn mơ̆ng klei bi hgŭm bruă lŏ hma, dlăng anei jing sa hlăm kmeh gơ̆ng mơ̆ng klei bi hgŭm dua nah kñăm đru rơ̆ng klei djăp mnơ̆ng ƀơ̆ng huă ala čar leh anăn kluôm rŏng lăn mơ̆ng dŭm gru hmô bi hgŭm dua nah amâodah lu tĭng hŏng klei hgŭm mơ̆ng dŭm ƀĭng hgŭm mđĭ kyar. Leh klei bi trông, Khua lăn čar Nguyễn Xuân Phúc leh anăn Khua mil čhil Yoweri Kaguta Museveni dlăng leh knăm bi siñê dŭm hră mơar bi hgŭm hlăm đa đa bruă./.