Khua phŭn bruă Lĭng kahan Belarus nao čhưn klă klơ̆ng ti Việt Nam
Thứ tư, 09:34, 18/12/2024
Pô mblang H'Nêč Êñuôl / VOV Tây Nguyên
Pô mblang H'Nêč Êñuôl / VOV Tây Nguyên
VOV4.Êđê- Tŭ ư asăp jak iêu mơ̆ng Đại tướng, Khua phŭn bruă Lĭng kahan Phan Văn Giang, Êpul phung khua kahan gưl dlông Belarus mâo Trung tướng Viktor Gennadievich Khrenin, Khua phŭn bruă Lĭng kahan Belarus djă akŏ hriê čhưn ti Việt Nam lehanăn nao ti knăm Rang mndah kdrăp lĭng kahan tar rŏng lăn 2024.
Leh knăm drông, dua tĭng hluê ngă leh hdră bi trông. Ti knăm anei, dua tĭng bi trông kơ boh klei mâo hlăm tar rŏng lăn, krĭng wăl lehanăn dŭm bruă dôk bi mđing.
Kơ boh klei ti Êa ksĭ, Đại tướng Phan Văn Giang mñă leh klei mĭn mơ̆ng Việt Nam jing msir mghaih klei bi kuan mmiă hŏng hdră msir êđăp ênang, hluê djŏ hdră bhiăn tar rŏng lăn, hlăm anăn mâo Klei kuôl kă Êpul hgŭm lu ala čar kơ Hdră bhiăn Êa ksĭ UNCLOS thŭn 1982, hluê ngă ênŭm Klei hưn mthâo kơ bruă ngă mơ̆ng dŭm tĭng ti Êa ksĭ Ngŏ DOC lehanăn hnưm bi leh bruă siñê Klei bhiăn ngă bruă mơ̆ng dŭm tĭng ti Êa ksĭ Ngŏ COC klă sĭt, tŭ dưn, djŏ hŏng hdră bhiăn tar rŏng lăn./.
Viết bình luận