Nao hlăm knăm mâo Đại tướng Phan Văn Giang, Khua Phŭn bruă lĭng kahan, mbĭt hŏng pô bi ala Knơ̆ng gĭt gai lĭng kahan gưl dlông, Phŭn bruă lĭng kahan, leh anăn phung khua gĭt gai alŭ wăl. Quân đoàn 34 dưi mkŏ mjing hluê si klei bi klă mơ̆ng Khua phŭn bruă lĭng kahan, hŏng tur knơ̆ng bi mŭt Quân đoàn 3 (Binh đoàn Lăn Dap Kngư) leh anăn Quân đoàn 4 (Binh đoàn Cửu Long).

Anei jing dua anôk bruă kdơ̆ng mblah phŭn mơ̆ng Phŭn bruă lĭng kahan, tuôm mâo lu boh tŭ dưn hlăm klei kdơ̆ng mblah răng mgang lăn čar, hŏng 164 êpul êya leh anăn grăp čô dưi mâo mă knăn knăl Pô jhŏng ktang lĭng kahan yang ƀuôn. Quân đoàn 34 dưi  mkŏ mjing hluê hdră khuăt, kjăp, ktang leh anăn mrâo mrang, hŏng hnơ̆ng ngă bruă leh anăn bruă klam dưi mđĭ hĭn, dưi mprăp lu phao ktuang, kdrăp yua mrâo mrang.