Ti knăm drông, Khua phŭn bruă Tô Lâm h’êč hmưi kơ Pô bi ala bi leh jih bruă klam mâo kčah jao ti Việt Nam, đru mguôp yuôm bhăn hlăm bruă mtrŭt mđĭ klei bi mjĕ dua ala čar Việt Nam - Qatar, klei bi mjĕ plah wah Phŭn bruă Kahan ksiêm Việt Nam lehanăn dŭm anôk bruă knŭk kna mơ̆ng Qatar.

Khua phŭn bruă Tô Lâm brei thâo, hluê “Klei kuôl kă hgŭm bruă gang mkhư̆ lehanăn kdơ̆ng mblah hŏng phung ngă soh hluh ala čar plah wah Phŭn bruă kahan ksiêm Việt Nam lehanăn Phŭn bruă ksiêm dlăng ala čar Qatar bi mklă thŭn 2014, klei bi mjĕ dua nah ba wĭt leh klei jăk siam hlăm lu mta bruă. Khua phŭn bruă đăo knang, hdră bi hgŭm dua nah srăng dưi đĭ hĭn, năng hŏng klei găl mâo ăt msĕ mơh čang hmăng klei bi mjĕ dua ala čar, boh nik bruă răng mgang klei êđăp ênang, rơ̆ng klei êđăp ênang ala ƀuôn srăng dưi krơ̆ng kjăp lehanăn ba wĭt klei jăk siam./.