Tui si klei hâo mdah ti anôk bi kƀĭn, hlăm thŭn anei, bruă mặt trận čar Daklak mâo lu klei bi hmô jăk, bruă mtrŭt mjhar phung ƀuôn sang sa ai hlăm bruă mdrơ̆ng hŏng klei ruă tưp lŏ dơ̆ng mâo klei mđing hĭn. Knơ̆ng bruă mặt trận čar mâo tŭ mă leh êbeh 6 êklai 800 êklăk prăk, lehanăn mâo mbha leh truh kơ dŭm anôk bruă êpul êya bi liê kơ bruă mdrơ̆ng hŏng klei ruă tưp, msĕ si blei vaccine. Mlan kyua mnuih ƀun dŭm kdriêk, wăl krah, ƀuôn prŏng mkŏ mjing leh klei iêo mkrum mâo giăm 14 êklai prăk.

Mơ̆ng prăk anei mâo mbha leh kơ bruă đru rŭ mdơ̆ng sang dôk, blei mprăp mnơ̆ng mnua pioh duh ƀơ̆ng, mđup mnơ̆ng tết, mdrao mgŭn kơ mnuih ƀun... Ti anôk bi kƀĭn, phung bi ala bi trông kơ jih jang bruă hŏng tač êngao mơ̆ng mnuih ƀuôn sang, bruă ba yua kdrăp mrâo mrang, lehanăn kiă kriê jih jang bruă hâo hưn. Daklak ăt mkŏ mjing tŭ dưn bruă bi mguôp jih jang djuê ana, bi mguôp klei đăo. Mâo klei akâo kơ dŭm bruă mghaih msir klei dleh dlan, klei dôk mđĭ mđăl hlăm bruă knuă, mơ̆ng klei hlue ngă hdră bhiăn, hdră mtrŭn./.