Leh êpul nao ksiêm dlăng boh sĭt mgaih msir klei brei răng “Hră kñĭ” kơ klei mă kan hdang soh hŏng hdră bhiăn, amâo mâo hưn amâodah amâo hluê ngă djŏ mta mtrŭn (IUU) ti Việt Nam. Hlăm mmông tŭ drông, k’iăng Khua knŭk kna Lê Văn Thành mñă klă, Việt Nam dôk gĭr mgaih msir jih hnơ̆ng dŭm mta klei hưn mdah mơ̆ng EC hŏng bruă msưh kdŭn leh anăn mjưh ruê̆ klei mă IUU, mđing truh mđĭ kyar bruă mă kan hdang kjăp, mâo bruă klam, mâo klei ksiêm dlăng.

K’iăng Khua knŭk kna mñă kơ EC leh anăn dŭm ala čar hlăm EU lŏ dơ̆ng bi mguôp leh anăn đru hdră mnêč, yap wăt klei găl kơ Việt Nam hlăm bruă hluê ngă dŭm klei mtă mơ̆ng EC kơ IUU. Mñă kơ EC čih yap dŭm klei gĭr gang mkhư̆ IUU leh anăn dŭm boh tưn Việt Nam dưi mâo, hnưm lăm lui klei hưn brei răng hră kñĭ kơ Việt Nam.