K’iăng Khua knŭk kna Trần Hồng Hà hơêč hmưi wưng păn bruă mrâo mơ̆ng Angela Pratt ti Việt Nam leh anăn bi mni kơ bruă klam gĭt gai mơ̆ng Êpul bruă mdrao mgŭn dlông rŏng lăn hlăm boh klei tlă anăp hŏng lu klei lông dlăng kơ klei ruă tưp. Hlăm anăn, klei đru mơ̆ng WHO đru kơ Việt Nam tŭ jing hlăm klei mdrơ̆ng hŏng Covid-19 leh anăn jing sa hlăm ala čar hnưm pŏk ƀăng êdei klei ruă tưp.

 Bi trông kơ klei čiăng tŭ mă dŭm mta mnơ̆ng dhơ̆ng mdrao mgŭn, êa drao, vaccin mâo hnơ̆ng jăk, ênoh djŏ guôp, K’iăng Khua knŭk kna Trần Hồng Hà akâo kơ Êpul bruă mdrao mgŭn dlông rŏng lăn lŏ dơ̆ng đru kơ Việt Nam, boh nik dŭm mta vaccin adôk kƀah hlăm hdră tlŏ mgang pŏk mlar. Angela Pratt bi mklă, WHO leh anăn Knŭk kna Việt Nam mâo leh klei bi hgŭm kjăp, tŭ dưn hlăm wưng sui, anei jing tur knơ̆ng yuôm bhăn čiăng kơ dua tĭng msir mgaih klei dleh dlan hlăm bruă mdrao mgŭn ară anei. Hlăm wưng kơ anăp, WHO srăng lŏ dơ̆ng bi hgŭm kjăp hŏng Phŭn bruă mdrao mgŭn čiăng mđĭ klei dưi mâo vaccin hlăm hdră tlŏ mgang pŏk mlar./.