Găn 50 thŭn đĭ kyar hlăm bruă mkra mjing êa drao, truh kơ ară anei, knơ̆ng bruă duh mkra mnia mblei Traphaco jing sa hlăm dŭm knơ̆ng bruă kdlưn hĭn hlăm bruă mkra mjing êa drao ti Việt Nam hŏng klei tŭ mtah kluôm ênŭm mơ̆ng mnơ̆ng mkra mjing mâo ênŭm hnơ̆ng čoh čuăn tar rŏng lăn – kdrăp mkra mjing êa drao thâo mĭn, bruă mnia mblei prŏng êlam, mnơ̆ng dhơ̆ng tŭ jăk, mâo boh tŭ dưn leh anăn êđăp ênang.

Mĭn tĭng truh kơ jih thŭn anei, hnư hrui wĭt mâo 2.500 êklai prăk. Bi ala kơ khua gĭt gai Đảng, knŭk kna, k’iăng Khua lăn čar Võ Thị Ánh Xuân mđup brei mêđai mă bruă mrô 1 kơ knơ̆ng bruă duh mkra mnia mblei Traphaco. K’iăng Khua lăn čar Võ Thị Ánh Xuân ăt mđup brei mêđai mă bruă mrô 2 kơ Trần Túc Mã, Khua kiă kriê knơ̆ng bruă duh mkra mnia mblei Traphaco.