Hlăm 19 thŭn pŏk klei bi lông, mâo leh lu phung kreh knhâo mda asei Việt Nam hlăm ala čar lehanăn ala tač êngao ngă hră mơar bi lông. Truh kơ ară anei, mâo leh truh 194 čô mnuih mâo tŭ mă klei pah mni Quả cầu vàng. Bi kơ klei bi lông phung mniê kreh knhâo kdrăp mrâo mrang Việt Nam mâo leh truh 719 čô phung mniê kdlưn hĭn mâo tŭ mă klei bi mni.

Blŭ hrăm ti anôk bi tuôm, K’iăng khua lăn čar Võ Thị Ánh Xuân mgei ai tiê ƀuh dŭm klei đru mguôp yuôm bhăn mơ̆ng 30 čô mnuih mbruă jing mda asei mâo tŭ mă klei pan mni. K'iăng khua lăn čar lač phung mâo mă klei pah mni anei mâo đru mguôp leh yuôm bhăn, ƀiădah ti anăp ăt adôk lu klei lông dlăng, snăn čang hmăng kơ bruă êdam êra gưl dlông lŏ dưn dưn yua bi lar hĭn bruă mkŏ mjing klei bi lông lehanăn pah mni phung mda asei Việt Nam kơ klei kreh knhâo./.