Tŭ klei iêo jak mơ̆ng K’iăng Khua lăn čar Võ Thị Ánh Xuân, anak mtao čuê bruă mtao Denmark Frederik leh anăn mô̆ gơ̆ Mary Elizabeth klă klơ̆ng hriê čuă ala čar Việt Nam mơ̆ng hruê 31/10 truh kơ hruê 3/11. Aguah mbruê 1/11, leh knăm tŭ drông ti sang bruă Khua lăn čar, k’iăng Khua lăn čar mâo leh mmông blŭ hrăm hŏng anak mtao Denmark.

K’iăng Khua lăn čar hơ̆k mơak ti anăp klei bi hgŭm leh anăn bi mguôp hlăm lu mta bruă pla wah 2 ala čar, boh nik jing klei duh bi liê, pui kmlă, wăl hdĭp mda, bi djŏ guôp hŏng klei mlih yan adiê, mtô mjuăt bi hriăm, dhar kreh. K’iăng Khua lăn čar Võ Thị Ánh Xuân hmăng hmưi srăng mâo lu hĭn knơ̆ng bruă mơ̆ng Denmark duh bi liê, mnia mblei ti Việt Nam hlăm dŭm mta bruă Denmark mâo klei găl leh anăn Việt Nam mâo klei čiăng.