Klei kƀĭn kñăm bi trông kơ 3 boh klei jing: Dưn yua kdrăp mrâo mrang čiăng pŏk phai, mđĭ kyar leh anăn răng mgang knơ̆ng bruă hlăm wưng mrâo, lŏ mkŏ wĭt knơ̆ng bruă, pŏk phai klei bi mguôp čiăng “Hrăm mbĭt ngă bruă leh anăn đĭ kyar”.

Blŭ hlăm klei kƀĭn, K’iăng Khua lăn čar Võ Thị Ánh Xuân hmăng hmưi, phung thơ̆ng kơ bruă duh mkra, phung čuăl mkă hdră êlan, phung mnia mblei mniê dŭm ala čar ASEAN srăng hrăm mbĭt bi trông, ba mdah dŭm klei kčĕ mâo boh tŭ dưn kñăm mkŏ mjing klei găl kơ phung mnia mblei mniê, knơ̆ng bruă mơ̆ng mniê ngă phŭn dưi mâo klei găl đĭ kyar.