Bruă sang čư̆ êa lehanăn phung ƀuôn sang čar Daklak čang hmăng mơ̆ng klei bhiăn anei srăng mjing klei găl prŏng, jing dŏ đru pral hĭn kơ ƀuôn prŏng mâo klei đĭ kyar, pral srăng dưi jing ƀuôn prŏng knơ̆ng kơ Lăn Dap Kngư hlue djŏ hŏng hdră mtrŭn 67 mơ̆ng Phŭn bruă kđi čar. Tui si knơ̆ng bruă dhar kreh, mjuăt asei mlei lehanăn hiu čhưn ênguê Daklak.

Hdră mtrŭn anei mâo bi mklă mâo mbĭt hŏng dŭm hdră êlan ngă bruă pioh hjăn kơ ƀuôn prŏng Ƀuôn Ama Thuôt hlăm klei kiă kriê ngăn prăk, mbha gưl bruă mơ̆ng knŭk kna kiă kriê dơ̆ng mơ̆ng klei čuăl mkă, klei iêo jak duh bi liê, pŏk êlan hŏng klei ênưih kơ phung duh mkra, phung kreh knhâo lehanăn mnuih mbruă dưi ngă bruă. Ăt hrue anăn mơh ti anôk bi kƀĭn kơ mlan 10, mơ̆ng knơ̆ng bruă sang čư̆ êa čar Daklak, Phạm Ngọc Nghị, Khua knơ̆ng bruă sang čư̆ êa čar Daklak mtă leh kơ dŭm knơ̆ng dhar bruă, alŭ wăl pral păn kjăp lehanăn hluê ngă hdră êlan anei mrâo mâo leh anôk bruă kƀĭn ala bi mklă, čiăng pral dưi ba yua pioh kơ klei mđĭ kyar ƀuôn prŏng, lehanăn duh kơ phung ƀuôn sang jăk hĭn./.