Hŏng klei bi kƀĭn tlă anăp, lehanăn online mkŏ hŏng anôk bi kƀĭn ti sang bi kƀĭn Diên Hồng, Sang bruă kƀĭn ala, bi mduê hŏng hŏng dŭm anôk bruă hlăm kluôm ala. Ti anôk bi kƀĭn anei, phung bi ala hmư̆ kơ bruă “lŏ dơ̆ng mkŏ mjing lehanăn bi leh Klei bhiăn knŭk kna yang ƀuôn ngă phŭn êngiê ti Việt Nam hlăm ênuk gưl mrâo”; “Lŏ dơ̆ng mlih mrâo hdră kiă kriê, păn bruă mơ̆ng Đảng hŏng bruă kđi čar hlăm ênuk gưl mrâo”; “Lŏ dơ̆ng mlih mrâo bruă mđĭ kyar klei tuh tia mđĭ kyar lăn čar truh kơ thŭn 2030, lehanăn tă hdră truh kơ thŭn 2045”; Tă êlan klei čuăl mkă kluôm ala čar wưng thŭn 2021 – 2030, lehanăn ta hĕ êlâo jih jang hdră êlan truh kơ thŭn 2050”.

Kơ bruă čuăn, hdră ngă bruă lŏ dơ̆ng mkŏ mjing klei bhiăn knŭk kna kiă kriê hlăm klei êngiê yang ƀuôn ngă phŭn ti wưng ênuk mrâo, Khua êpul kiă kriê bruă knuă gưl dlông Phan Đình Trạc lač, lŏ mđĭ hĭn klei hâo hưn, bi lar bruă mjuăt bi hriăm, mđĭ klei thâo săng kơ knŭk kna yang ƀuôn êngiê ngă phŭn ti Việt Nam./.