VOV4.Êđê - Hruê mbruê, ti ƀuôn prŏng Yên Bái, Phŭn bruă Lĭng kahan, Anôk kiă kriê klei hâo hưn gưl dlông lehanăn čar Yên Bái bi hgŭm mkŏ mjing Klei kƀĭn trông kreh knhâo gưl ala čar “Hdră mblah tŭ dưi Yŭ Dưr 1952 – Klei tŭ yuôm hƀuê ênuk lehanăn klei hriăm prŏng”.

Sui hŏng anei 70 thŭn, thŭn 1952, hŏng klei gĭt gai mơ̆ng Đảng lehanăn Khua gĭt gai Hồ Chí Minh, lĭng kahan lehanăn mnuih ƀuôn sang Yŭ Dưr hŏng klei bi hgŭm kjăp ba wĭt leh klei tŭ dưi hlăm hdră mblah Yŭ Dưr. Hdră anei mâo boh tŭ yuôm bhăn, kruăk klei đĭ kyar mrâo, đru mguôp hlăm hdră bi kdơ̆ng mblah hŏng Prăng ba wĭt klei tŭ dưi kluôm dhuôm. Ti knăm anei, êbeh 90 klei čih ba bi trông dưi bi mklă leh hdră êlan wăt hlăm bruă lĭng kahan, kđi čar, duh mkra mơ̆ng hdră mblah Yŭ Dưr kñăm mjing boh kdrŭt mrâo kơ hdră mblah yan Puih – Mnga 1953 – 1954, mjưh tuič hdră kdơ̆ng mblah hŏng Prăng plah ala./.

VOV TâyNguyên/ Pô mblang: H’Nêč Êñuôl