Klei bi rai dliê jing ktrŏ hĭn hlăm anôk bi kƀĭn Êpul gơ̆ng bruă ƀuôn sang ti Kontum
Thứ bảy, 09:51, 10/12/2022
VOV TAYNGUYEN
VOV TAYNGUYEN
VOV4.Êđê- Thŭn 2022 khădah êpul bruă djŏ tuôm čar Kon Tum Jih ai tiê leh gang mkhư̆ klei bi rai dliê, ƀiădah klei bi rai dliê ăt dôk mâo nanao. Anei jing bruă hlăk mjêč êdi mâo lu phung ƀuôn sang dôk mđing ti anôk bi kƀĭn tal 4, Êpul Gơ̆ng bruă ƀuôn sang čar Kontum gưl 12.
Hlăm 11 mlan thŭn 2022, êpul bruă djŏ tuôm ti čar Kontum hmao ƀuh leh truh 83 klei bi rai dliê soh hŏng klei bhiăn, mâo mă truh êbeh 419m3 kyâo djăp mta, hŏng ênhă dliê êbeh 32 ha. Ti anôk wĭt lač klei êmuh Êpul Gơ̆ng bruă ƀuôn sang čar Kontum, lu phung bi ala lač mâo klei phưi tha hlăm klei kiă kriê, kƀah klei đua klam lehanăn tơl hnơ̆ng lŏ đru phung tlĕ kyâo.
Wĭt lač hŏng Êpul Gơ̆ng bruă ƀuôn sang čar, phung khua knơ̆ng bruă sang čư̆ êa čar Kontum lač, dôk mâo nanao klei bi rai dliê kyua bruă kiă kriê mơ̆ng dŭm knơ̆ng bruă sang čư̆ êa nah gŭ ka kjăp. Năng lŏ mđĭ hĭn bruă klam mơ̆ng pô dliê, lehanăn kiă kriê dliê. Hyuă kjăp hĭn bruă hiu dsuang dlăng, boh nik hlăm yan jik kuai./.
Viết bình luận