Dŭm klei êmuh hlăm bruă mkŏ mjing kñăm kơ boh sĭt, hdră êlan mđĭ hnơ̆ng tŭ jăk bruă čuăl mka leh anăn kriê dlăng, mđĭ kyar ƀuôn prŏng ti Việt Nam. Bruă bha mđuê̆ anôk ngă bruă mơ̆ng anôk bruă, dhar bruă kbiă mơ̆ng ƀuôn prŏng Hà Nội. Ksiêm dlăng anôk mnia mblei sang lăn, bruă ƀuah mkra dŭm êpul êya, grăp čô ngă soh hlăm bruă čhĭ mnia, iêo mkrum ngăn prăk, mnia mblei sang lăn.

Bruă mkŏ mjing sang dôk yang ƀuôn kơ phung mâo hnư hrui wĭt ƀiă, phung mă bruă, boh nik jing dŭm anôk bruă duh mkra, anôk bruă tuh tia leh anăn dŭm ƀuôn prŏng. Bruă klam klei kriê dlăng mơ̆ng Phŭn bruă mkŏ mkra hlăm bruă mkŏ mkra, ba mdah, hluê ngă dŭm hnơ̆ng čoh čuăn, bi klă ênoh, mkă hnơ̆ng hlăm bruă mkŏ mkra. K’iăng Khua knŭk kna Lê Văn Thành, Khua phŭn bruă Hdră êlan leh anăn duh bi liê, khua phŭn bruă ngăn prăk, Khua phŭn bruă êlan klông leh anăn dŭ mdiăng, Khua phŭn bruă ngăn dŏ leh anăn wăl hdĭp mda, Khua phŭn bruă mnuih mă bruă, kahan êka êkeh leh anăn yang ƀuôn, Khua kiă kriê knơ̆ng prăk knŭk kna Việt Nam, Khua kiă kriê bruă tĭng mkă ala čar ăt nao hlăm klei wĭt lač klei êmuh, hlăk mblang kơ dŭm boh klei djŏ tuôm.