Mta kñăm mơ̆ng klei kƀĭn anei jing ksiêm dlăng klei bi mguôp plah wah 2 ala čar hlăm dŭm mta bruă mơ̆ng klei kƀĭn tal 18 truh kơ ară anei, mbĭt anăn ba mdah hdră tă bi mguôp hlăm wưng kơ anăp. Dua tĭng bi trông kơ boh sĭt leh anăn dŭm hdră êlan mtrŭt mđĭ klei bi mguôp hlăm bruă: mnia mblei, duh bi liê, bi mguôp đĭ kyar, klei mă bruă, yang ƀuôn, pui kmlă, bruă mkŏ mkra, ngăn prăk….leh anăn dŭm mta bruă mkăn.

Klei mjĕ giăm Việt Nam – Dhŭng Korea lŏ dơ̆ng mâo dŭm klei đĭ kyar ktang hlăm thŭn êgao kơ djăp mta bruă, ba wĭt klei tŭ leh anăn thâo săng, đăo knang hdơ̆ng pô hlăm 2 tĭng. Thŭn anei bi klă 30 thŭn mkŏ mjing klei mjĕ giăm leh anăn bi mguôp mđĭ kyar Việt Nam – Dhŭng Korea, dưi mâo lu boh tŭ dưn prŏng Prĭn. Yap truh mlan 9 thŭn anei, Dhŭng Korea mâo leh hlăm brô 9.438 hdră dôk dưi yua, hŏng kluôm ênoh prăk bi klă hlăm brô 80 êklai 500 êklăk USD, jing ƀĭng hgŭm mrô 1 mơ̆ng Việt Nam kơ klei duh bi liê mơ̆ng ala tač êngao.