Hluê klei hưn ti anôk bi kƀĭn, wưng êgao, kahan ksiêm 2 ala čar bi hgŭm ksiêm dlăng kjăp phung ngă soh lehanăn klei ba yua matuĭ mơ̆ng dua ala čar, boh nik ti krĭng knông lăn kñăm ksiêm dlăng ti dŭm anôk kreh ba yua matuĭ mơ̆ng anăn bi mklă mâo 4 ktuê êlan phŭn hlăm krĭng “Tlâo kiêng mah” mŭt hlăm Lao lehanăn nao kơ dŭm alŭ wăl ti Lao lehanăn Việt Nam.

Kahan ksiêm 2 ala čar ăt bi hgŭm ngă bruă ti dŭm ktuê êlan kreh mčhua hlăm dŭ mdiăng mâo matuĭ mơ̆ng Lao truh kơ Việt Nam. Hlăm hdră bi hgŭm, êpul kahan ksiêm Việt Nam hmao ƀuh, mă kơ̆ng êbeh 5.300 klei, hŏng êbeh 7.300 čô ngă soh ba yua matuĭ.

Phŭn bruă kahan ksiêm 2 ala čar mtă kơ dŭm anôk bruă djŏ tuôm ti krĭng knông lăn dua ala čar mđĭ hdră bi hgŭm gang mkhư̆ matuĭ hluê Hră m’ar bi hdơr plah wah Phŭn bruă kahan ksiêm 2 ala čar kơ hdră gang mkhư̆ matuĭ, bi hgŭm hiu suang dlăng, rơ̆ng klei êđăp ênang ti krĭng knông lăn dua ala čar./.