Klei kƀĭn jing bruă kđi čar prŏng mơ̆ng phung hlăk ai, hruê knăm bi mguôp dŭm gưl phung êdam êra Việt Nam khăp kơ lăn čar, bi klă klei đĭ kyar mrâo mơưng êpul bruă leh anăn hdră bruă êdam êra.

Hŏng klei pia ngă bruă: “Phung hlăk ai Việt Nam khăp kơ lăn čar – hmăng hmưi – bi mguôp – nao êlâo- mbruă – jhŏng mŭt hlăm ênuk mrâo”, Klei kƀĭn kluôm bruă êdam êra Việt Nam gưl tal 9 kñăm kơ bruă mkŏ mjing dŭm bruă klam, hdră êlan hlăm hdră “kâo khăp kơ lăn čar kâo” leh anăn hdră “Mkŏ mjing êpul bruă êdam êra Việt Nam kjăp ktang”. Hruê mbruê 17/12, Klei kƀĭn tiŏ nao leh  135 čô êdam êra nao hgŭm hlăm dhar bruă gưl dlông Êpul bruă êdam êra Việt Nam gưl 9, tiŏ nao 8 čô êdam êra nao hgŭm hlăm dhar bruă ksiêm dlăng êpul gưl 9. Phung bi ala ăt nao hgŭm hlăm 6 êpul bi trông kơ dŭm mta phŭn, bi êdah dŭm mta bruă knuă mơ̆ng phung êdam êra hlăm wưng kơ anăp.