5 thŭn êgao, khădah tuôm hŏng lu klei dleh dlan kyua klei ruă Covid 19, ƀiădah hdră ngă bruă mơ̆ng Êpul phung bum ală Việt Nam ăt mâo djăp ênoh čuăn, mđĭ lar bruă klam jing boh sang mbĭt mơ̆ng êbeh 74 êbâo čô hgŭm. Wưng 2022-2027, Êpul phung bum ală Việt Nam lŏ dơ̆ng mđĭ bruă klam ksiêm dlăng, akâo hŏng Đảng, Knŭk kna kơ dŭm hdră mtrŭn djŏ tuôm kơ mnuih amâo jăk asei mlei, pŏk mlar gru hmô pla mjing, mjing bruă mă hơĭt kjăp, mkra mđĭ klei hdĭp phung bum ală.

Nao lehanăn blŭ ti knăm anei, Khua anôk bruă đru čung ba mnuih ƀuôn sang gưl dlông Bùi Thị Minh Hoài mtă kơ dŭm gưl bruă lŏ dơ̆ng pŏk ngă dŭm hdră mtrŭn jăkl găl, mtô bi hriăm boh hră, bi hriăm bruă, mđĭ klei thâo. Boh nik, mđing hĭn kơ Êpul anei ti krĭng čư̆ čhiăng, krĭng taih kbưi dleh dlan./.