Blŭ hlăm klei kƀĭn, Khua knŭk kna Campuchia Samdech Techo Hun Sen yap yuôm bhăn boh tŭ dưn klei bi hdơr 55 thŭn mkŏ mjing ASEAN, găn sa êlan kbưi mơ̆ng klei bi mguôp, mtrŭt mđĭ klei bi mguôp plah wah dŭm ƀĭng hgŭm hlăm ASEAN kyua mta kñăm mbĭt jing, klei êđăp ênang, čŏng pô leh anăn đĭ kyar.

Klei kƀĭn trông gưl dlông ASEAN tal 40 leh anăn 41 hŏng dŭm klei kƀĭn djŏ tuôm jing wưng găl čiăng kơ dŭm ala čar ksiêm wĭt leh anăn gĭr ktưn kơ klei bi mguôp, čŏng pô, kluôm ênŭm leh anăn hluê si klei bhiăn. Lu klei bi klă yuôm bhăn dưi bi klă msĕ si: Bi hdơr 55 thŭn mkŏ mjing ASEAN, Klei bi klă ASEAN ngă bruă: hrăm mbĭt bi mdrơ̆ng hŏng klei lông dlăng leh anăn bi klă hdră bi mguôp ASEAN êdei kơ thŭn 2025, jing dŭm hdră tă kơ dŭm hdră êlan mtrŭt mđĭ klei bi mguôp bruă duh mkra, mđĭ kyar mtăp mđơr, jêñ jêñ leh anăn rơ̆ng bruă klam jing mta kñăm mơ̆ng ASEAN hlăm alŭ wăl.

Leh knăm pŏk klei kƀĭn, Khua gĭt gai dŭm ala čar hlăm ASEAN nao hlăm klei kƀĭn kluôm gưl dlông ASEAN tal 40 leh anăn gưl kƀĭn hjăn klei kƀĭn trông gưl dlông ASEAN tal 41.